Fondi i Granteve të Vogla i Dialogut Civik tubon aktorët e shoqërisë civile për të realizuar projekte të përbashkëta. Duke ditur se sesionet e DiC janë bërë forume për disenjimin e projekteve të reja të përbashkëta, u krijua një fond për të mbështetur këto aktivitete. Këto grante të vogla forcojnë dhe inkurajojnë marrëdhënie dhe rrjete të reja përmes mbështetjes financiare.

Kushti themelor për aplikuesit që të merren parasysh për financim nga ana e DiC është që të përfshijnë së paku dy organizata partnere, që përfaqësojnë dy grupe të ndryshme etnike nga Kosova dhe Serbia. Pritet që përms këtij bashkëpunimi do të zhvillohet një komunikim dhe bashkëpunim më i mirë që çon drejt marrëdhënieve më të qëndrueshme që afrojnë ndasitë kulturore.


+++ THE FIRST ROUND - The Civic Dialogue Small Grants Fund 2004:

1. Aksioni për Mosdhunë dhe Ndërtim të Paqes dhe Harizma... more>>
2. Projekti i Ndërtimit të Komuniteteve, “Gratë në biznes” ... more>>
3. Etika (një OJQ rinore) dhe Millennium i RI zhvilluan... more>>
4. DONA & FBF... more>>
5. Komunikimi për Zhvillim Shoqëror... more>>
6. Iniciativa Rinore për të Drejtat e Njeriut... more>>
7. Radio UrbaNS... more>>
8. Studimet dhe Hulumtimet e Gruas "Mileva Maric Einstein"... more>>
9. Teatri i Muzikës së Dhomës... more>>

+++ THE OTHER PROJECTS:

1. DY ‘THINK TANK” NË PROJEKTIN E PËRBASHKËT TË HULUMTIMIT “LËVIZJA E LIRË E NJERËZVE DHE E MALLRAVE MIDIS KOSOVËS DHE SERBISË” ... more>>
2. BASHKËPUNIMI UNIVERSITAR ... more>>
3. FESTIVALI MUZIKOR EXIT ... more>>

1. Aksioni për Mosdhunë dhe Ndërtim të Paqes dhe Harizma nga Kusce e Epër-Gjilan zbatuan një projekt të përbashkët me temën “Ndërtimi i urave të komunikimit midis komuniteteve” që tuboi njerëz të etniciteteve të ndryshme duke u fokusuar në të kuptuarit e konfliktit dhe të shqyrtimit të metodave pë zgjidhjen jo të dhunshme të mosmarrëveshjeve. Kjo nismë ka inkurajuar rininë që të ketë një vizion më të qartë për një të ardhme të përbashkët pa paragjykime brenda të gjitha komuniteteve të jetojnë në Kosovë.

2. Projekti i Ndërtimit të Komuniteteve, “Gratë në biznes” project, pos qëllimit të tij parësor për trajnimin e grave në ndërmarrësi arriti një përfitim tjetër shoqëror pasi që ai u mbajt për herë të parë pas dhunës së 17-18 marsit, në të cilën morën pjesë gratë shqiptare dhe serbe në një projekt të hapur të përbashkët. Pjesëmarrëset raportuan se ishin të lumtura që ky projekt u mundësojë të takoheshin dhe të krijonin lidhjet individuale.

3. Etika (një OJQ rinore) dhe Millennium i RI zhvilluan një projekt të përbashkët “Rinia për Paqe”, në të cilin shtatë të rinj që përfaqësonin të gjitha grupet etnike punuan si një ekip dhe zhvilluan takime kulturore dhe sportive për të nxitur të rinjtë të nërtonin paqen dhe tolerancën. Gjatë këtij projekti, ekipi i zbatimit mori pjesë në një pritje formale të organizuar nga ish-kryeministri i Kosovës, Bajram Rexhepi, i cili i përgëzoi grupet për iniciativën e tyre.

4. DONA & FBF (një OJQ grash) nga Shterpca kishte për partner OJQ Norma nga Prishtina, në një projekt të përbashkët ”Të drejtat ligjore të gruas në pronësi”/ Gratë kosovare, serbe dhe shqiptare, ballafaqohen me probleme të njëjta që mund të adresohen në mënyrën më efikase përmes përpjekjeve të përbashkëta. Një rrjet i OJQ-ve të grave në Kosovë ishte përfituesi kryesor. Në këtë rrjet, gratë dusktuan për çështje konkrete që kishin të bënin me statusin e tyre në shoqërinë civile, pa diskutuar përkatësinë e tyre etnike.

5. Komunikimi për Zhvillim Shoqëror me bazë në Graçanicë përmes projektit “Rinia dhe mediat” inkurajoi dhe promovoi frymën e tolerancës duke udhëhequr dhe transmetuar një diskutim në radio lidhur me atë se si e kupton rinia shoqërinë multietnike dhe kontributin në procesin e integrimit. Radio programet u transmetuan në 18 stacione lokale në shqip dhe në 18 në serbisht, si dhe nga tri stacione multietnike.

6. Iniciativa Rinore për të Drejtat e Njeriut, me zyrat e saj në Prishtiën dhe në Beograd zhvilloi një projekt me titull “Gazetarët mund ta bëjnë këtë!”. Ky projekt tuboi gazetarët nga Kosova dhe nga Serbia për të luftuar stereotipet negative. Si rezultat i kësaj, u botuan pesë tekste në media të shtypit dhe u transmetua një program televiziv, të cilat në mënyrë objektive pasqyruan aspekte të përditshme politike, shoqërore, ekonomike dhe kulturore të jetës në Kosovë dhe Serbi. Një rrjet joformal nga 15 gazetarë u krijua si rezultat i saj dhe ka mbetur aktiv edhe pas përmbylljes së projektit.

7. Radio UrbaNS në partneritet me të përditshmen Koha Ditore bënë një dokumentar mbi takimin e dy të rinjve, ish-pjesëtarë të Armatës Kombëtare Jugosllave dhe të Ushtrisë Çlirimtare të Kosovës, të cilët flasin për jetën e tyre të mëparshme me njëri-tjetrin. Ky dokumentar, me titull “A kam faj edhe unë?”, përshkruan fatin dramatik të këtyre dy të rinjve, të cilët e gjejnë veten në anë të kundërta të frontit. Pas debatit publik të mbajtur në Novi Sad, në të cilën morën pjesë edhe ushtarë nga ish-Jugosllavia, qytetarët kishin rastin të dëgjonin muzikën e një grupi nga Prishtina, që tërhoqi më se 500 të rinj. Mbulimi medial ishte i konsiderueshëm dhe toni i përgjithshëm i kësaj ngjarje ishte pozitiv dhe inkurajues

8. Studimet dhe Hulumtimet e Gruas "Mileva Maric Einstein" nga Novi Sadi , në bashkëpunim me OJQ-në Mogućnost (MUNDËSIA) nga Mitrovica zhvilluan një analizë të përbashkët (paralele) të medias së shtypur, duek hulumtuar nivelin e pjesëmarrjes së gruas në jetën publike dhe politike në Kosovë dhe në Serbi. Ky hulumtim tregoi se gratë ballafaqohen me pengesa të ngjashme në që të dy shoqëritë dhe se projekte të tjera të përbashkëta të ngjashme do t’i kontribuonin përmirësimit të pozitës së gruas në rajon.

9. Teatri i Muzikës së Dhomës nag Novi Sadi, në bashkëpunim me Ndërtimin e Komuniteteve Mitrovica konfirmoi mundësinë e kulturës dhe artit në afrimin e njerëzve në një shfaqje të organizuar nga artistë nga Kosova dhe Vojvodina, që dëshironin të mësonin dhe të krahasonin zakonet e dasmës të këtyre grupeve etnike. Shfaqja u mbajt në Teatrin Nacional Serb në Novi Sad dhe, për herë të parë, mund të dëgjohej muzika shqipe para një auditori të madh dhe mediave. Këta “Penj” (apo “Niti”), siç quhej projekti, lidhi dy kultura, duke hapur derën për vazhdim të bashkëpunimit midis artistëve, por gjithashtu edhe ftoi auditorin që të kishte parasysh format e ndryshme të komunikimit, që nuk ishin parë që nga përfundimi i konfliktit.

Mbështetur dhe koordinuar nga Freedom House Regional dhe programet e Serbisë, Bordi i DiC dhe në bashkëpunim me organizatën rajonale këshilldhënëse, Qendra për Strategji Liberale nga Sofja e Bullgarisë, një studim hulumtues politik do të bëhet nga dy “think tank” lokalë, Lëvizja Evropiane në Serbi nga Baogradi dhe Instituti Kosovar për Hulumtim dhe Zhvillim Politik (KIPRED ), midis qershorit dhe shtatorit 2005. Sic ka theksuar Freedom House, “nevoja për të gjetur mirëkuptim të përbashkët të sfidave që ballafaqohen nga të dy palët, Kosova dhe Serbia, është demonstruar në mënyrë të qartë, sidomos që nga viti 1998. Për fat të keq, fare pak nga rekomandimet detyrimore politike kanë dalë nga studiues që kanë interes në rezultate. Për të zgjeruar dhe pasuruar debatin politik për arenat vendore në Serbi dhe Kosovë, kemi fokusuar mbështetjen në hulumtimet e bëra nga aktorët nga dhe mbi rajonin. Parashohim që avokatimi i ndërtuar nga ky hulumtim, me komunitetet relevante politike që promovojnë standardet evropiane, do të forcojmë praktikat më të mëdha rajonale demokratike dhe integrimin evropian”.

Afati i këtij hulumtimi pritet të jetë gjashët muaj, kurse rezultatet dhe rekomandimet do t’i paraqiten publikut në vjeshtë të vitit 2005.

Në fillim të vitit 2005, u hap dialogu zyrtar midis studentëve të Fakultetit të Drejtësisë së Universitetit të Prishtinës (UP) dhe atij të Universitetit të Novi Sadit (UNS). Përfaqsues nga Shoqata Evropiane e Studentëve të Drejtësisë nga Novi Sadi udhëtuan në Kosovë për të diskutuar për bashkëpunimin e ardhshëm me kolegët e tyre në Prishtinë.

Në qershor 2005, një delegacion prej 20 studentësh nga Universiteti i Novi Sadit udhëtoi në Prishtinë për të marrë pjesë në një sesion shumëditësh për këmbim idesh, zhvillimin e programeve të reja dhe identifikimin e fushave të interesit të përbashkët për të dy grupet e studentëve. Dialogu Civil shërbeu si një ombrellë për këtë nismë, duke ofruar ndihmë logjistike, ekspertive dhe financiare, me ndihmën e Freedom House dhe Mott.

Në korrik, 2005 Festivali i gjashtë vjetor i muzikës EXIT u mbajt në kalanë e Petrovaradinit në Novi Sad. Kjo është ngjarja e tillë më e madhe në Ballkan dhe një nga më të mëdhatë në Evropë. Me mbështetjen e Freedom House dhe Mott, dhjetra të rinj nga Kosova morën pjesë në këtë ngjarje. Muzikantë, artistë dhe përfaqësues të OJQ-ve paraqitën aktivitetet dhe programet e tyre në Panairin e OJQ-ve, që u organizua në EXIT nga Pakti Qytetar. Dialogu Civil u mundësoi të rinjve të udhëtonin përtej kufijve me dokumente të UNMIK-ut dhe me sponzorim të shpenzimeve të hotelit dhe të qëndrimit.

Më 2004, MTV Europe transmetoi drejtpërdrejt këtë ngjarje gjatë tërë kohës së zgjati.