Freedom House Serbia ishte nikoqir i takimit të rregullt të Bordit, në të cilin përfaqsuesit e Misionit të OSBE-së në Serbi dhe Mal të Zi dhe të Misionit të OSBE-së në Kosovë iu bashkuan Bordit të DiC në planifikimin e sesionit të ardhshëm lidhur me mediat në Beograd. Raporti përfundimtar për Fondin e Granteve të Vogla u prezentua para Bordit dhe u diskutua po ashtu edhe vazhdimi i programit për vitin 2005.

Takimi i dhjetë i DiC u mbajt në Prishtinë për të shqyrtuar ndikimin e DiC në zbatimin e standardeve dhe hapave që mund të merren në përmirësimin e proceseve të integrimit evropian. Johan te Velde, Drejtor për Demokratizim i OMiK-ut, hapi konferencën duke lavdëruar DiC për kontributin e tij në procesin e standardeve dhe shtoi se DiC kishte një rol të vecantë në ndihmë qytetarëve të Kosovës. Tri grupe pune diskutuan për: (1) OJQ-të e grave në promovimin e çështjeve gjinore, (2) roli i OJQ-ve rinore në mbështetje të lirisë së lëvizjes, dhe (3) roli i mediave në sigurimin e një vështrimi të qartë të procesit të standardeve.

Bordi i DiC mbajti një takim të planifikimit strategjik në Shkup për të shqyrtuar zhvillimin programor që nga inicimi i tij dhe për të diskutuar projekte konkrete të ardhshme. Anëtarët e Bordit të DiC shfrytëzuan këtë rast që të shqyrtonin rezultatet e deritashme, të definonin sektorët e rinj të interesit dhe të përcaktonin prioritetet për vitin 2005 dhe 2006.

Përfaqësues nga Lëvizja Evropiane në Beograd, KIPRED nga Prishtina dhe Freedom House Budapest dhe Serbia mbajtën një takim strategjik për zhvillimin e një draft-programi të punës për projektin e ardhshëm studimor Kosovë-Serbi. Partnerët, që punuan me Bordin e DiC, përcaktuan objektivat e projektit dhe caktuan afatin për vitin 2005.

Takimi i nëntë i DiC u mbajt në Prishtinë për identifikimin e mekanizmave të mundshëm për personat e zhvendosur brenda vendit (IDP) me ndikim në dialog dhe në mbrojtjen e të drejtave të njeriut. Konferenca u hap nga Jeremy Lidstone, OMiK, përfaqësuesi i UNMIK ORC dhe përfaqësues të DiC, dhe vazhdoi me prezentimet nga Drejtori i Punëve të Komuniteteve, Zyra e Kryeministrit , dr. Agron Berisha dhe dr. Rifat Blaku, Drejtor i Qendrës per Hulumtime të Migracionit dhe Ndihmës për Refugjatë. Në sesionin e pasdites, pjesëmarrësit u ndanë në tri grupe punuese për të shqyrtuar rolin e (1) medias, (2) rinisë dhe (3) gruas në procesion e kthimit dhe integrimin e personave të zhvendosur.

Takimi i tretë i organizatave rinore u mbajt në Novi Sad, në të cilën morën pjesë mbi 40 përfaqësues të OJQ-ve, përfshirë 22 organizata nga Kosova. Pjesëmarrësit u ndanë në dy grupe punuese: (1) shfrytëzimi i rrjeteve ekzistuese për promovimin e bashkëpunimit rinor rajonal, dhe (2) ballafaqimi me të kaluaren përmes rindërtimit të besimit dhe të mirëkuptimit.

Çështja më me peshë, që u identifikua nga të dy grupet e punës, ishte liria e lëvizjes mes Kosovës dhe Serbisë. Problemi kryesor ishte se autoritetet në Serbi refuzojnë të njohin dokumentet e UNMIK-ut, duke ua bërë të pamundur shumë njerëzve në Kosovë që të udhëtojnë në Serbi. Një deklaratë e përbashkët u miratua njëzërit dhe i drejtohej Qeverisë së Serbisë me ftesë që të njihte dokumentet e udhëtimit të UNMIK-ut.

Konferenca e dytë me titull, “Dialogu i dialogjeve” i shërbeu prapë qëllimit të vazhdimit të këmbimit të përvojave mes OJQ-ve të ndryshme që marrin pjesë në krijimin dhe nxitjen e llojeve të ndryshme të dialogut. Konferenca u hap nga z. Bajram Rexhepi, ish-kryeministër i Kosovës dhe Johan te Velde, Drejtor i Departamentit për Demokratizim në OMiK. Një fjël hyrëse u dha nga Bryan Hopkins, Drejtor i Zyrës së OMiK-ut për Çështje Politike dhe mbulimi medial i kësaj ngjarje ka qenë substancial.

Si vazhdimësi, ditën e ardhshme u mbajt konferenca me temën, "Si të mbështetet demokracia dhe dialogu në terren”, me qëllim të shqyrtimit të mundësive dhe kërkesave për mbështetjen e zhvillimit të demokracisë dhe dialogut, sidomos përmes prizmit të grupeve të objektivave të identifikuara paraprakisht: gratë, mediat, rinia.

Dy koordinatorë, nga Shoqata “Nëna Terezë” dhe Qendra për Rajonalizim, paraqitën rezultatet e konkursit të Fondit të Granteve të Vogla.

Më 15 qershor, takimi i Bordit të DiC u organizua nga Freedom House Serbia, ku u sajua plani për zbatimin e programit të granteve të vogla. Freedom House ofroi trajnimin e dy koordinatorëve nga Shoqata “Nëna Terezë” dhe Qendra për Rajonalizim në krijimin e procesit të granteve, përfshirë përgatitjen e kushteve për konkurrim, vlerësimin e propozimeve, monitorimint e aktiviteteve të mbështetura dhe asistimin në sajimin e planeve për vazhdimësi.

U miratua një mocion për krjimin e një ekipi të ekspertëve për të hartuar vlerësimin e interesave të përbashkëta dhe në një dokument të veçantë për të hartuar vlerësimin e interesave të veçanta (një vlerësim për Kosovën – përfshirë interesat e serbëve dhe të shqiptarëve dhe një të ndarë për Serbinë). Një vlerësim i tretë do të bëhet edhe për shqiptarët e Kosovës dhe serbët e Kosovës, për të siguruar një kuptim të përbashkët të interesave. Micioni do të shërbente si bazë për projektin Lëvizja e lirë e njerëzve dhe mallrave midis Kosovës dhe Serbisë, që u lansua në vitin 2005.

Nikoqir i takimit të Bordit të Dialogut Civik ishte Shoqata “Nëna Terezë” në Prishtinë. Ngjarjet e 17-19 marsit paraqitën një sfidë të vecantë për dialog, duke ditur eskalimin e dhunës dhe frustrimit. Këto ngjarje vunë në pah rëndësinë e sigurimit të vazhdimit të dialogut të fokusuar në ndërtimin e mirëbesimit. Shefi i OMiK-ut, Pascal Fieschi hapi këtë takim me një deklaratë se ndonëse trazirat e marsit paraqisnin një kthim të madh prapa, ndërtimi i dialogut dhe tolerancës duhej të vazhdonte.

Reagimit të Shoqatës “Nëna Terezë” ndaj dhunës së marsit iu kushtua rëndësi e madhe në media, i cili ftonte për tolerancë dhe paqe “shpërthimi i dhunës është në kundërshtim me vlerat e qytetarëve të Kosovës, institucionet zyrtare dhe administratën ndërkombëtare... ky është një kthim prapa në përpjekjet për të vendosur rendin e ligjit dhe paqen stabile në Kosovë... Shoqata “Nëna Terezë”, si partnere e Dialogut Civik, mendon se OJQ-të duhet të përqendrohen në ndërtimin e tolerancës, pa marrë parasysh përkatësinë religjioze dhe etnike”. Në fillim të prillit, Qendra për Rajonalizim dhe Shoqata “Nëna Terezë” vizituan Graçanicën dhe rajone të tjera të populluara me serbë në Kosovë në shenjë solidariteti dhe për të ofruar mbështetje.

“OMiK do të vazhdojë të promovojë dialogun i bindur se shumica e popullsisë së Kosovës hedh poshtë dhunën dhe dëshiron të jetojë në një shoqëri tolerante dhe demokratike. Publiku duhet të kuptojë se pasojat e së kaluares duhet të tejkalohen në mënyrë që të ndërtohet një e ardhme më e mirë për të gjithë”, tha ambasadori Fieski. Konluzionet kryesore të këtij takimi të Bordit ishin: (1) Dialogu është qenësor në përmirësimin e jetës së të gjithë qytetarëve në Kosovë; (2) projektet e suksesshme rajonale duhet të inicohen para të gjithë pjesëmarrësve të ngjarjeve të DiC, ngaqë shembujt pozitivë nga rajoni sigurojnë dialogun Kosovë-Serbi; (3) nën ombrellën e DiC, liderët fetarë duhet inkurajuar që të marrin pjesë në projektet e shoqërisë civile në promovimin e tolerancës dhe respektimin e diversiteti; dhe (4) të përkrahen iniciativat nga baza përmes Fondit të Granteve të Vogla.

Më 21 prill, u organizua sesioni i parë me titull “Dialogu i dialogjeve”, që u mundësoi përfaqësuesve nga sektorë të ndryshëm që të didkustonin dhe të këmbenin përvojat në fushën e ndërtimit të dialogut. Partneri rajonal, Vehid Shehiq i Forumit të Qytetarëve, prezentoi përvojat e Bosnjë e Hercegovinës, duke shpjeguar se detyra kryesore e shoqërisë civile është të luftojë urrejtjen dhe jotolerancën. “Populli i Kosovës duhet bërë dialog me vetveten dhe nuk duhet të flasë si shqiptarë apo si serbë, por si qenie njerëzore”, theksoi ai.

Në këtë takim, përfaqësues të OJQ-ve kërkuan që Bordi të zgjeronte iniciativën e DiC, me një fokusim më të madh me përfshirjen e OJQ-ve që përfaqësojnë serbët e Kosovës

Gjatë një jave, nga 24 prill deri më 1 maj 2004, një grup i dalluar i liderëve të shoqërisë civile nga Dialogu Civik dhe Iniciativa e Igmanit vizituan Uashingtonin dhe Nju-Jorkun, në përpjekje për të ngritur profilin e përpjekjeve të pajtimit ndërkufitar më Evropën Juglindore. Delegacioni, i përbërë nga Zhivorad Kovaceviq, kryetar i Lëvizjes Evropiena në Serbi; Aleksandar Popov, Drejtor i Qendrës për Rajonalizim; Zoran Pusiq, kryetar i Komitetit Civik për të Drejtat e Njeriut në Kroaci; dhe Besnik Tahiri, anëtar i Bordit të Dialogut Civik, iu drejtuan krijuesve të politikës amerikane, fondacioneve dhe organizatave civile për kontakte.

Vizita ishte tepër e suksesshme në promovimin e të arriturave të dy iniciativave rajonale të bashkëpunimit dhe delegacioni u prit mirë gjatë tërë udhëtimti. Ai përfshinte takime me Këshillin e Sigurisë Kombëtare, anëtarë të Kongresit dhe dr. Henri Kisinxherin. Marrëdhëniet ekzistuese me Rockefeller Brothers Fund dhe Qendrën Ndërkombëtare për Drejtësi Tranzicionale u çuan më tej dhe u arritën kontakte të reja me Fondacionin Ford dhe Bankën Botërore, ndër të tjerë. Pos ndërtimit të rrjeteve, grupi po ashtu ia arriti të siguronte një shembull të bashkëpunimit multietnik dhe ndërkufitar, si dhe një model të përparimit pozitiv, tolerant dhe demokratik rajonal para një auditori në SHBA që ishte mësuar të dëgjojë për mospajtime, konflikte dhe dyshim sa i përket Ballkanit.

Takimi i ardhëhëm i Bordit të DiC u mbajt në Kosovë. Qëllimi i takimit ishte të shqyrtonte të arriturat, të miratonte planin veprues për vitin 2004 dhe të miratonte lansimin e Fondit të Granteve të Vogla, për të cilin DiC mblodhi fonde nga RBF. OMiK dhe Freedom House ritheksuan mbështetjen e tyre në forcimin e DiC dhe rrjetit të tij përmes sigurimit të mbështetjes logjistike dhe të llojit tjetër. Në një deklaratë që njihte të arriturat e kaluara, Bordi u pajtua se DiC kishte arritur të siguronte pjesëmarrje të gjerë, të tejkalonte disa barriera kyqe psikologjike dhe të ndërtonte aftësi iniciale komunikative midis një grupi thelbësor OJQ-shë. Po ashtu, u njoh fakti se DiC kishte qenë i rëndësishëm përmes bjelljes së farës së tolerancës [ermes kanaleve alternative të komunikimit. U themelua edhe një grup pune për të rishqyrtuar dhe finalizuar dokumentet për Fondin e Granteve të Vogla. U arrit pajtim se programet do të jenë të hapura për të gjitha OJQ-të e interesuara që janë të angazhuara në veprimtari ndëretnike, zhvillimin e mirëbesimit dhe konfidencës.

Takimi i rregullt i Bordit të DiC u mbajt në Beograd për të rishikuar zhvillimin e projektit që nga fillimi i vitit dhe për të diskutuar lidhur me fillimin e dialogut zyrtar midis Prishtinës dhe Beogradit. Takimi u fokusua në përmbledhjen dhe analizimin e rezultateve të arritura, duke përcaktuar drejtimet strategjike dhe duke diskutuar prioritetet për vitin 2004 dhe 2005. Diskutimi hodhi në shesh interesin dhe opcioniet për zgjerimin dhe thelliminhe e DiC me anë të zgjerimit të rrjetit të mbështetësve në komunitetet vendore përmes angazhimit të iniciativave nga baza mbi rininë, gruan dhe çështjet mjedisore.

Ndikimi i politikës së shoqërisë civile: Konferenca mbi ndërtimin e partneriteteve dhe rrjeteve në Evropën Juglindore u bë në Prishtinë, me ç’rast u formuan tetë grupeve punuese me tematikë të ndryshme. Morën pjesë më se 60 përfaqësues, përfshirë organizata nga Shqipëria, Bullgaria, Bosnia e Hercegovina, Kroacia, Maqedonia, Greqia dhe Serbia e Mali i Zi. Në emër të Shefit të Misionit të OMiK-ut, z. Bryan Hopkinson, Drejtor i OMiK-ut i Çështjeve Politike hapi konferencën. Të gjithë folësit kryesorë vunë në pah rëndësinë e normalizimit të marrëdhënieve dhe krijimit të një atmosfere të mirëbesimit ndëretnik në rajon. Sesioni plenar mbante titullin, “Rolin e Shoqërisë Civile në sigurimin e zgjerimit të BE-së në Evropën Juglindore”. Folësit kryesorë theksuan rëndësinë e zgjerimit të BE-së dhe punën që duhet bërë në Kosovë. U theksua shumë qartë se integrimi i Kosovës brenda BE-së kushtëzohej me arritjen e parimeve demokratike, stabilizimit politik, zhvillimit ekonomik dhe respektimi i të drejtave dhe lirive të njeriut.

Pas sesionit plenar, gjashtë sesione dhe punëtori paralele u zhvilluan në tema të ndryshme. Të gjitha grupet konkulduan se ka nevojë për koordinim me të mirë brenda sektorit të shoqërisë civile dhe se duhet bërë shumë. Roli mbikëqyrës i organizatave të shoqërise civile i hartuar për institucionet u vu në pah posaçërisht në mënyrë që të ecet përpara me qeverisje me të mirë dhe më përgjegjëse qendrore dhe lokale.

Takimi i dytë i organizatave rinore nga Kosova dhe Serbia u mbajt me pjesëmarrjen e 47 përfaqësuesve nga Kosova dhe nga Serbia – 25 nga Kosova dhe 22 nga Serbia. Pjesëmarrësve u dëshiroi mirëseardhjen z. Dushko Radosavleviq, nënkryetar i Këshillit Ekzekutiv të Vojvodinës dhe Friedhelm Frischenschlager, drejtor i Departamentit për Demokratizim i OMiK-ut.

U arrit pajtimi që iniciativat rinore, të udhëhequra nga një energji e pakufishme, mendimi krijues dhe invaitv pro-reformues, të shkarkuar nga barra e së kaluares së afërt, paraqesin bazë solide për ndërtimin e bashkëpunimit dhe për kontributin në stabilizimin e rrethanave në rajon.

Takimi i katërt i DiC tuboi organizatat e gruas në rajon për të punuar në projekte të përbashkëta. Në konferencë morën pjesë përfaqësuese të organizatave të gruas nga Baogradi, Novi Sadi, Prishtina, Tirana, Sofja dhe Shkupi. Organizatat pjesëmarrëse u pajtuan të vazhdonin takimet nën ombrellën e DiC në rajon. Qëllimi i konferencës ishte që të inicojë pjesëmarrësit në qëllimet e misionit të Dialogut Civik dhe të vlerësojë ndikimin pozitiv që mund të kenë grupet e grave në situata pas-konfliktuoze.

Pjesëmarrëset konkluduan se në Kosovë ka shumë iniciativa, pro se ka edhe shumë probleme. Ka më se 30 organizata shqiptare të gruas dhe po aq serbe, rome dhe boshnjake. Mirëpo, ato nuk bashkëpunojnë me njëra-tjetrën. Ndërtimi i koalicioneve në të gjitha nivelet u rekomandua. Koalicionet do të mund t’ i kontribuonin zgjidhjes post-konfliktuoze.

U njoh fakti se roli aktiv i organizatave të gruas është esencial për zgjidhjen e problemeve të tilla si pajtimi, dhuna familjare dhe pjesëmarrja e gruas në politikë, lufta kundër varfërisë dhe përkujdesja e duhur shëndetësore, si dhe pavarëimi ekonomik i gruas. Në këtë frymë dhe nën ombrellën e DiC, u konceptua projekti “Gratë në dialogun civik”. Hapi i parë në realizimin e këtij projekti ishet që të formohej një trup koordinues, i përbërë nga përfaqësuese të organizatave të gruas në rajon.

Takimi i parë i Bordit të DiC, që mblodhi përfaqësues të Shoqatës “Nëna Terezë”, Qendrës për Rajonalizim, OMiK dhe Freedom House Serbia, u mbajt në Brezovicë, më 24-25 janar për të formalizuar rolin e Bordit në DiC. Z. Adam Schmidt u dëshiroi mirëseardhjen pjesëmarrësve, duke shprehur mbështetjen e OMiK-ut për këtë iniciativë dhe – sic theksoi ai – kjo do të kishte ndikim pozitiv në relacionet ndërqeveritare dhe ndërkufitare të shoqërisë civile.

Dy bashkëkryetarët e Bordit të DiC, Don Lush Gjergji dhe Ambasadori Zhivorad Kovaceviq, shprehën kënaqësinë lidhur me atë që kishte arritur DiC në bërjen e hapave të parë drejt krijimit të një dialogu përgjegjës dhe të sinqertë. Z. Kovaceviq shprehu keqardhjen e tij dhe kërkoi ndjesë për atë që u kishte bërë regjimi i Milosheviqit dhe disa nga bashkëatdhetarët e tij shqiptarëve të Kosovës. Don Gjergji vuri në pah se ishte me rëndësi të punohej së bashku në tejkalimin e plagëve nga e kaluara dhe për t’u ballafaquar me sfidat e inicimit të komunikimit, ndërtimit të urave dhe të relacioneve midis Serbisë dhe Kosovës.

U arrit pajtimi që ky Bord vullnetar do të sjell udhëheqje, kredibilitet dhe forcë morale për iniciativën e DiC. Plani i Veprimit për vitin 2003 i DiC u miratua, me metoda të detajuara për afrimin e grupeve të OJQ-ve dhe grupeve të tjera civike nga Kosova dhe Serbia in veprimtari jopartiake, me fokusim në ndërtimin e lidhjeve gjinore, rinore, mjedisore dhe mediale për të zgjeruar diskutimin dhe për të ndërtuar mirëbesimin.

Për të ushqyer dialogun e hapur dhe të sinqertë, Bordi njëzërit u pajtua që korniza e DiC nuk do të përfshijë çështje që dominojnë diskursin qeveritar në secilën anë, siç është statusi i Kosovës – me bindje se tema të tilla vetëm sa do të mund të çonin tek konfrontimet dhe keqkuptimet.

U arrit pajtimi që të mbahen katër takime të Bordit në vit, duke çuar kështu iniciativën e Dialogtu Civik përpara. Këto takime do të duhej të ishin konkurrente me disa nga ngjarjet kyqe të parapara në Planin e Veprimit.

Në dhjetor 2002, Freedom House Serbia ishte nikoqire e takimit punues, në të cilin Shoqata “Nëna Terezë” nga Prishtina dhe Qendra për Rajonalizim nga Novi Sadi nënshkruan një marrëveshje bashkëpunimi për zbatimin e DiC në baza dyvjecare.

Ky takim u bë i mundur nga përfaqësues të Departamentit për Demokratizim të OMiK-ut. Marrëveshja fuqizon krijimin e një Bordi të përbashkët, të përbërë nga intelektualë të shquar nga që të dy palët, për të mbajtur katër konferenca në vit në Kosovë dhe në Serbu, me fokusim në cështje të rinisë, grave dhe të qeverisjes së mirë dhe për të përkrahur projekte të vogla me bazë në komunitete, si dhe në përhapjen e cilësisë së përmirësuar të informacionit medial. Ky model bashkëpunimi mbështetet në punën e Iniciativës së Igmanit në Trekëndshëm e Dejtonit. Marrëveshja u nënshkrua nga dy përfaqësues të OMiK-ut dhe një përfaqësues të Freedom House Serbia.

Duke folur në temën e dialogut dhe të komunikimit si faktorë të mirëbesimit midis grupeve etnike, u vu në pah se OJQ-të dhe mediat duhet të jenë prijëtare në tejkalimin e pasojave të luftrave dhe në zbutjen e traumave të pas-luftës nga të cilat vuan shumica e popullsisë. U theksua roli i pandashëm e mediave në Kosovë sot për krijimin e një klime të favorshme për zhvillime pozitive. U konkludua se se mediat paraqesin nj nga faktorët esencialë në krijimin e kushteve për normalizimin e rrethanave dhe në rrugën e integrimeve evropiane. U vu në pah se të gjitha përpjekjet e dialogut zyrtar midis Beogradit dhe Prishtinës që ishin paralajmëruar do të mbeteshin të paaefektshme pa në atmosferë të favorshme në arenën publike, që duhet ta krijojnë OJQ-të dhe angazhimi i mediave. Përfaqësues të 25 mediave nga Kosova dhe 18 nga Serbia morën pjesë në të.

Rezultatet e konferencës ishin: (1) Produckioni i pavarur URBANS nga Novi Sadi bëri një marrëveshje më përfaqësues të RTK-së për të transmetuar dokumentarin “Ata po udhëtojnë”, që është një rrëfim mbi kufomat e njerëzve të vrarë që u transportuan në Serbi me auto-frigoriferë. Ky dokumentar u bë mjaft kontraversial në Serbi. (2) RTK shprehu gatishmërinë për t’u takuar me njerëz kyqë nga stacione të mëdha televizive në Beograd dhe Novi Sad për të shikuar mundësinë e bashkëpunimit dhe ndërtimin e lidhjeve për transmetime të drejtpërdrejta nga studioja në Prishtinë. (3) BK TV bëri një marrëveshje me RTK-në për të pordhuar një material të përbashkët televiziv nga Mitrovica. (4) Radio In nga Novi Sadi bëri një marrëveshje me Radion Urban FM për një këmbin programi me DJ. (5) Revista javore e Novi Sadit Bulevar bëri një marrëveshje me gazetarë të JAVËS për një sërë artikujsh që kishin të bënin me dukuritë urbane, kulturore, socialogjike dhe të tjera në Kosovë. (6) Përfaqësues të Radio Novi Sadit, bashkë me kolegët e tyre të radio stacioneve shkëmbyen kontakte dhe diskutuan mundësitë për bashkëpunim të ardhshëm.

Si komponentë e dytë në projektin Dialogu Civik: Hapi i parë, nj takim i organizatave rinore nga Serbia dhe Kosova u bë në Palic, Vojvodinë, në të cilën morën pjesë 25 organizata nga Serbia dhe 25 nga Kosova. Dy punëtori mbuluan këto tema: toleranca ndëretnike dhe zgjidhja paqesore e konfliktit; skena e OJQ-ve në Serbi dhe në Kosovë: gjendja aktuale, perspektivat e zhvillimit dhe grumbullimi i fondeve.

Si përfundim u tha se mediat e kontrolluara nga forca antireformuese janë promovues kryesorë të mostolerancës ndëretnike, duke përdorur shpesh gjuhë të dhunës kur bie fjala për “të tjerët” dhe duke nxitur dhunë. Grupi propozoi promovim të përbashkët të vlerava kulturore nga Kosova dhe Serbia për t’iu kundërvënë ksenofobisë dhe për të zhdukur apo zbutur tendosjet ndëretnike.

Në ditën e fundit, pjesëmarrësit kishin rastin të dëgjonin një ligjëratë nga znj. Inga Aleksandraviciene nga OMiK, e cila foli për vetëdijësimin gjinor përmes një video prezentimi “Gratë dhe mediat”. Në takimin përmbyllës, pjesëmarrësit diskutuan për mundësitë e bashkëpunimit në këto fusha: demokratizimi dhe të drejtat e njeriut; bashkëpunimi rajonal; dhe multikulturalizmi dhe marrëdhëniet ndëretnike. Duke njohur dhe duke u pajtuar për rëndësinë e medias në procesin e pajtimit, pjesëmarrësit propozuan të fokusoheshin në temën “Roli i medias në përmirësimin e dialogut”, për konferencën e ardhshme. Kjo ngjarje u caktua të mbahej në Brezovicë, në vjeshtën e vitit 2002 dhe media duhej të ishte nj nga fushat kyqe të aktiviteteve të DiC.

Qendra për Rajonalizim, Shoqata “Nëna Terezë” dhe OmiK organizuan takimin e parë të DiC të OJQ-ve më 5-6 korrik 2002, në Novi Becej. U formuan katër grupe pune: demokratizimi dhe të drejtat e njeriut, bashkëpunimi rajonal, multikulturalizmi dhe marrëdhëniet ndëretnike dhe organizatat e grave. Pjesëmarrësit e grupeve të punës informuan kolegët e tyre lidhur me aktivitetet e OJQ-ve që ata i përfaqësonin dhe paraqitën tema të mundshme për projekte të përbashkëta. Kjo metodë e punës – në grupe të vogla, me bazë tematike – rezultoi në marrëveshje të shumta për përpjekje të përbashkëta dhe forcim të partneritetit përtej ndasive etnike.